Gamle kassar og potetbingar

Eg er enno så glad for runden med interiørblada som eg rydda i i går, for det dukka opp nye idear som eg ikkje hadde lagt merke til før. Det skyldast naturlegvis at me ikkje hadde hyttehuset då eg las blada første gongen, ei heller at eg visste kva som skjulte seg i kjellaren. For i kjellaren var det gamle kassar og ein gammal potetbinge.

Sjå dette stilige bordet eg kan lage av den eine kassen! Det blir bra ved sidan av ein litt stramare sofa. Eg har planar om ein Karlstad (trur det må bli hjørnesofa) frå Ikea i Ullevigrått trekk. Tenkjer det kan stå bra til eit slikt kassebord som dette.



Eg veit at det også er ein potetbinge i kjellaren, for mannen her heime sa at den gamle potetoppbevaringa etter bestemor hans framleis var i kjellaren. Ja, det er hans bestemor som har budd i huset. Gjett om eg neste gong me drar dit skal springe ned i kjellaren og studere bingen nærmare. For sjå på denne ideen her:



Eit kleskap er laga av ein potetbinge. Litt reingjering og maling kan gjere underverk.
(Bileta er henta frå gamle Rom123-blad)

Nå må me berre jobbe litt ifrå oss her heime slik at me snart får ferie. Det blir ein ferie med mykje maling, tenkjer eg.