onsdag 30. desember 2009

Hyttehus meg her og der...

Denne bloggen heiter Hyttehuset. Og ein kan jo lure på kvifor. Det var jo slik i sommar då, at me fekk overta eit gammalt hus som var (og framleis er) kjempemodent for seriøs oppussing. Eg ville gjerne lage ein blogg der eg skreiv ned mine tankar om prosjektet, før- og etter-bilete osv. Og så har det vel blitt slik at eg ikkje fekk så mykje stoff om hyttehuset. Me er jo ikke der kvar veke, og det har ikkje vore så mykje progresjon no i haust heller. Så bloggen min heiter på eit misvisande vis Hyttehuset.



Eg håpar imidlertid at dette vil kome meir til rett i 2010. No rett over nyttår skal nemleg eit stort lasss med nye vindauge kome på plass, ein tømmermann skal snart isolere og kle ytterveggane på ny, og mannen her i huset skal rive det gamle. Med andre ord kan det bli hektisk. Alt dette er utvendig arbeid, men innvendig må også mykje gjerast. Til no er alt tapet fjerna og mørke tømmerveggar er komne fram i lyset. Dei er for mørke for meg, så dei skal bli kvite. Kjøkkenet har malte skapdører, og dei skal pussast ned og malast om (kvite eller isvann), dører skal pussast ned, badet skal bli nytt, altan skal byggjast osb. Nok å gjere med andre ord.



Me har eit mål om at stovene skal vere nokonlunde klare til påske. Så det kan bli meir hyttehus framover her inne. Men det blir framleis litt av begge heimane våre framover.

I bloggverda her har eg blitt sååå inspirert, og eg storkosar meg med blogglesing. Sjølv har eg fått dilla på fargar og retromønster, og det hadde eg ikkje då eg starta i sommar. Det blir spennande å sjå korleis det gamle huset kjem til å bli.

Takk for det gamle!
Lagt inn av kl.

3 kommentarer:

  1. Kaspara30. desember 2009 kl. 17:45

    Heisan!
    Tusen takk for koselig kommentar!
    Huset deres ser så sjarmerende ut der det ligger i den frodige, gamle hagen!
    Og Louis Poulsen-lamper elsker jeg simpelthen! Hjertet slår alltid litt fortere, når jeg ser en sånn. Kan ikke halt tilgi meg selv, for at jeg ikke en gang spurte om prisen på en slik i Danmark i sommer, da jeg så et par ganske medtatte og gamle liggende i en bruktbutikk. Det kom kanskje av at de var hvite, for jeg har en forkjærlighet for de sorte.
    Ønsker deg og dine en fin nyttårsfeiring og et spennende og gledesrikt nytt år med fortsatt oppussing av hyttehuset!
    Klem fra Kaspara

    SvarSlett
  2. Made by Molla1. januar 2010 kl. 10:42

    Gleder meg til å følge både hjemmet ditt og hyttehuset fremover! Spennende! Jeg skulle også ønske jeg hadde et blankt ark å fylle på interiørfronten (som Hyttehuset), men misunner dere ikke alt arbeidet;) Blir verdt det når det blir ferdig da!!

    SvarSlett
  3. anneskreative1. januar 2010 kl. 17:15

    Hei,,,,det blir spennende å følge med på prosjektet ditt....vi pusset opp en gammel hytta i fjord vinter,,,,og utover sommeren, men den var boklar til påska 09,,,,og nå gleder jeg meg allerede til vi kan ta den i bruk,,,blir nok noen helger uti mars tenker jeg.
    Lykke til,,,,og ha et fint nytt år med mange vellykkede prosjekter.
    Klem Anne

    SvarSlett

Abonner på: Legg inn kommentarer (Atom)